近況

// 原來又有一段時間沒update 了

// 我好好啊~

// 其實沒有update 就是生活過得很好~ 有update 的時候都是舒發情緒比較唔開心

// 但今晚寫，不是心情差啊~ 只是想記錄一下最近發生的事

= = = = = = = = = =

// 整個十一月就是病，很嚴重的感冒，看了五次醫生(到今日還在吃藥)，瘦了2kg (終於跌返落45kg 樓下，開心~~)

// 除了感冒，返工、freelance、跳舞、拉筋、運動。。。每日都依然忙，但忙得開心，跳舞好好玩，終於識到一班真係叫做女仔朋友既女仔朋友~ 一齊跳舞練習拉筋，仲會去食飯行街睇戲去海洋公園，傾偈既話題可以語無倫次~ 咁樣既女仔朋友圈係我由大學以黎一直想要既，現在終於有啦

// 仲有，喺短短一星期既年假內，我見左一份工，得到offer，然後我又reject 埋添。。。都覺得自己叻，可以叫到自己想要既價錢然後又「好有型」咁推左。。。

// 有錢都唔要，唔似我，但因為讀書的目標，來年還是待在現在的公司舒舒服服比較好，上司喜歡我的design 唔會叫我colorful 多dd 隻字向左多dd 又大dd，又不用OT，job title 又呃到人。。。

// 暫時這樣啦，我過得好好。

Happy Birthday to Me~~

生日願望如下:

> 世界和平。唔要打仗、唔要恐襲、唔要天災、唔要捱餓。。。

> 地球入面所有生命，係人係鬼係小動物係乜都好，都要被好多好多愛和關心包圍。。。

完。

Blessed

// 食左一年中藥啦，但濕疹依然會on and off 咁復發

// 這兩年的濕疹主要在手較位，長期都是一撻撻的紅、出水、出血，有時夜晚太痕，為左唔會scratch 到自己皮破血流，於是會包住繃帶瞓覺。。。

// 其實我對手好核突同恐怖。。。但「習慣」了，不會特別穿怎麼衣服遮遮掩掩，也沒有很介意其他人的眼光，甚至會忘記了雙手濕疹既存在

// 有時出街坐緊車或者食緊飯中，身邊的陌生人(大多是亞姨叔叔的長輩)會突然跟我說話，問我的濕疹有冇睇緊醫生/食緊藥/搽緊藥，然後會跟我說佢自己/佢地既仔女/同事/親朋戚友都有濕疹，之後睇左邊個邊個中醫食左咩咩咩中藥，最後皮光肉滑咩事都冇既經歷。又會同我講唔好食呢樣果樣，又或者介紹醫生俾我咁，極度親切想我快啲好。。。這些情況每個月總有一兩次

// I'm being blessed!

// 喺香港咁既氣氛，要開口同陌生人講野其實好難好尷尬。但都有咁多陌生人願意開口關心我，希望我既濕疹快啲好，我覺得好感動。。。或者好老土咁講，好感恩

// 多謝你地呀陌生既叔叔伯伯亞姨嬸嬸!

有時

// 夜晚瞓唔著就會諗無謂野，外面仲要橫風橫雨雷電交加。。。

// 都係「我空虛我寂寞我凍」果啲野啦

// 濕疹食中藥食左一年，反反覆覆，前幾日跟保險經紀講起，佢話不如搵日入院做個全面啲既身體檢查

// 下月中生日，同經紀講就算檢查完，可唔可以等生日過左一陣先攞報告。喂，有時啲野好邪架!

// 但又會無謂諗，其實就算真係有大病例如cancer，我一早已經決定唔會醫架啦，咁幾時知又有咩問題呢~

// 寫幾句，三點啦，瞓覺。。。希望可以發個美好既夢

近況

// 原來又已經兩個月沒有update 了

// 我很好啊~~~~~

// 工作已經安定下來了，終於!!! 工作算是不錯，上司是英國男人結了婚有三個孩子，沒有很管束我和我的隊友，好隊友口中得知他看來很欣賞我的工作表現，我都覺得自己表現很好~ 所以應該不會(又)工作半年就失業吧...

// 既然工作穩定，我又開始計劃搬出去一個人住，一直在看房，但現在的租金真的很誇張!!!! $13-14k 的房子都是很舊廚廁很污糟那種，我真的不知道要花多少時間才會找到一間似樣少少既屋...

// 平日放工後跟週未我的時間表排得密麻麻，跳舞、練舞、拉筋、personal training、義工等等是必定活動，加多一至兩個約會已經「忙」爆

// 所以呢，我很好啊~~~~~

// 九月又快到了，在盤算要不要繼續我的學業。現在澳洲也辨不到工作簽證了，讀一個bachelor degree 的目的已經失去了，但是讀書也不單是為了回澳洲，也是想完成並其中一個心願嘛! 所以呢，要好好考慮一下

// 就這樣一個簡單update 吧~

我一直安慰別人，同時也是安慰自己。

義工的喜悅~

// 上篇講到Dalai Lama "The Book of Joy" 關於喜悅的書，Dalai Lama 說要自己得到喜悅的方法，就是先帶給人喜悅

// 今晚的義工服務充分體現到這方法既實行同感受

// 每一個服務同對象其實都好講緣份同「連繫」，有時大家都好click 好有connection，自己會好容易理解到佢，又好自然會有果種投契，好自然咁發自內心既關心，於是講既說話更加容易令佢有共嗚，之後傾落去會好容易，佢可以講到想講既野又講得舒服，我見到佢舒服晒又會覺得幫到佢所以好開心

// 唔單止幫得到服務對象而開心，有其他義工朋友留意到我既敏感同觸角，讚我叻叻感應到服務對象想講既野然後引佢講出黎。有人細心留意到我既付出同優點，之後仲開口鼓勵我。。。呢個都係好好好開心

// 咁開心既事一定要記落黎，雖然唔可以仔細咁寫內容，但希望有朝一日當我重看這篇blog 會鈎起我對呢件事既感覺啦~

// 呀! 又其實今日咁開心仲有另一件事~ 送了兩底自己整的年糕給朋友，朋友今晚匯報煎左黎食，好好味呀好chewy 又soft 好味過同事推薦既薑汁八珍咁話~~~~ 嗚呀! 有人讚我整既野食真係開心到飛呀~

// 所以今晚咁開心囉...

// 又又... 昨晚先仆街完仲要火到屎滾，又係體會到Dalai Lama 說的 >>> joy is through suffering... 嗚呀